Malayong Pag-ibig

Gaano nga ba kahirap ang malayo ka sa iyong pinakamamahal, kasing sakit ba ito ng una mong pagkakadapa noong ikaw ay bata pa, o kasing sakit ba ito ng una mong maramdaman ang palo ng pagmamahal ni ina.  

Paano nga ba mailalarawan ang pangungulila sa isang minamahal, kung ang pag-ibig ay wagas at tunay. Paano mo maipapadama ang iyong tunay na pagmamahal kung ang layo mo ay di mo na sya matanaw? 

Ang isang tunay at wagas na pag-ibig, malayo man ito o malapit, kung ikaw ay tapat at nagtitiwala sa iyong minamahal ano mang pagsubok na dumating ay malalampasan din.  Ngunit kung sa simula pa lang ay naiisip mo na na napakahirap ang ganitong kalagayan, pano mo pa malalampasan ang madaming taon ng pagkakawalay.

Ang isang pagmamahal ay hindi magtatagal kung isa lang ang gumagawa ng paraan upang ito ay maging mas malalim at matibay.  Ngunit ang isang pagmamahalan na pinapahalagahan ng dalawang tao ay may mararating na tagumpay.  Tiwala, respeto at panalangin ang laging lalong nagpapatibay ng isang relasyon, gaano man kayo ka layo sa isa't isa kung tunay at wagas ang pagmamahalan ito ay gagantimpalaan.

Wala Na Nga Ba

Ang isang simple at maginoong hinahangad niya, nasa paglipas ng panahon ay di pa rin matagpuan. Unti unti na yatang nawawala ang kanyang pag asa na ikaw ay matagpuan.  Sa mga panahong nagdaan halos lahat sila ay nagbigay ng kabiguan, kabiguan na nagiwan ng kirot sa kanyang puso. Na unti unting nagpapawala ng pagnanais na makatagpo ng isang katulad nya.  

Minsan na itanong nya sa sarili, ano ba ang mali sa kanyang mga ginawa. Isang simple, mapagmahal at maunawaing babae. Ngunit sa kabila nito ay nagawa pa rin syang iwanan at ipagpalit sa iba, gaano kasakit para sa kanya ang basta nalang iwan at ipagpalit. Gayong alam nya sa sarili nya na wala syang naging pagkukulang.

Sa kabila ng lahat sinubukan nya paring muling magmahal at magtiwala, ngunit sya'y bigo pa rin.  Hangang magdesisyon na lang sya na ibuhos ang kanyang atensyon at pagmamahal sa kanyang pamilya, na magbibigay ng kaligayahan sa kanyang puso, iba man ang klase ng pagmamahal na ito pero ito ay di gaanong magbibigay ng kasawian sa kanyang buhay, bagkos magbibigay ng pagmamahal na di naghahangad ng anumang mapalit.

Ngunit sumasagi pa rin sa kanyang isipan, kung kailan nya mararanasan ang isang tunay at wagas na pagmamahal.  Magdulot man ito ng kasawian, ang mahalaga ay naipadama nya ng tapat at wagas ang nilalaman ng kanyang puso. Gaano man katagal, susubukan nya pa ring makamtam ang inaasam.

Kabaitan Saan Nga Ba Nagmumula!

Saan ba masusukat ang kabaitan ng isang tao

Sa pagsilang nya palang ba sa mundong ibabaw,

ay unti unti nang mabubuo ang kabaitan nyang

tataglayin.

Sa paghubog ng kanyang mga magulang at kanyang

pananampalataya.

O sa pakikisalamuha sa mga taong pumapaligid sa kanya.

Paano Nga Ba

Paano nga ba? Yan ang tanong na unti unting na bubuo sa kanyang isipan

Kung paano nya muling sisimulan ang pag buo ng kanyang mga pangarap.

Dahil minsan sa kanyang buhay dumating din ang kabiguan at maling landas na kanyang napiling tahakin

Ngunit ganun paman ang nangyari sa kanyang buhay, ninanais nya na muling tahakin ang liwanag.

Ngunit paano nga ba sisimulan ito? Ang Magsimba at humingi ng tawad ng mula sa kaibuturan ng kanyang puso, matutunang pahalagahan at mahalin ang sarili, matutunang pagaralan ang pananalita na di makakasakit ng kapwa.

Minsan sa buhay nya marami syang mga kaibigan na handang tumulong sa ano mang oras na kailanganin nya , ngunit hindi lahat ay tumagal, meron na humusga agad sa nangyari sa kanya, meron din na pilit syang inuunawa, at meron din na sumuko na.

Ngunit sa kabila ng lahat pilit pa rin nyang ibinabangon ang kanyang nasirang landasin, sinisimulan nyang humingi ng tawad sa mga taong alam nya o naisip nya na maaring nagawan nya ng kasalanan. May mga taong  pinatawad agad sya at may mga taong binalewala lang sya, gaano man ang sakit na idinulot nun sa kanya, mas pinili nya pa rin na ayusin ang kanyang buhay, hindi lang para sa kanya kung di para na rin sa kanyang pamilya na labis na nasaktan sa kanyang dinanas.

Noon nya na pagtanto na kahit ano man ang nagawa nya, pamilya nya pa rin ang unang gagabay at uunawa sa kanya. Kaya ngayon ang buhay nya ay unti unting nagliliwanag, dahil natutuhan nyang magbalik loob sa kanya at natutunan nya na pahalagahan ang mga tao na nagmamahal at nagbibigay ng importansya sa kanyang buhay.

Isang Yugto ng Buhay ni Rhea

Ang kwento ng pag-ibig ni Rhea, ay nagmula sa mapaglarong isipan ko.

Sya ay isang simpleng babae na may simpleng pangarap sa buhay, yun ay ang magkaroon din ng isang simpleng pamilya kasama ang kanyang pinakamamahal. Sa unang taon ng kanilang pagsasama, sila ay pinagkalooban agad ng isang munting angel na lalong nagpalalim ng kanilang pagmamahalan, ngunit dahil sa unti unting paglaki ng kanilang pamilya, napilitang lumayo pansamantala ang kanyang mapagmahal na asawa upang maghanap buhay para sa kanila ng kanilang anak. 

Sa unang mga taon ng kanyang pagtatrabaho ay maganda naman ang naging bunga ng kanyang pagpapakahirap, nagagawa nyang umuwi isang beses sa isang linggo, hangang maging isang buwan, hangang maging dalawa o tatlong buwan bago sya umuwi sa bahay nila. Ni minsan ay hindi sya nagduda sa kanyang asawa, ngunit sa hindi inaasahang pangyayari darating at darating ang araw na malalaman nya ang dahilan ng unti unting pagtagal ng paguwi ng kanyang pinakamamahal sa kanila.

Isang araw na sya ay lumuwas upang supresahin ang kanyang kabiyak, sa di inaasahan sya ang nabigla sa kanyang nakita, ang kanyang pinakamamahal ay nasa piling na ng iba.

Wala syang giinawa kung di ang umiyak ng umiyak at kausapin ang kanyang kabiyak, tanungin kung ano ang nangyari sa maraming taon ng kanilang pagsasama, ngunit ang tanging narinig nya ay ang paghingi ng tawad nito at tuluyang  iwanan silang mag ina. Sinubukan nya na ipaglaban ang kanyang karapatan bilang kabiyak ng kanyang asawa ngunit paano mo ipaglalaban ang isang pag-ibig kung isa na lang ang nagnanais na mabuo muli ito.

Kung ang taong ipinalit nya sa'yo ay walang puso, para maintindihan ang iyong pinagdaraanan. Walang nasa isip kung di ang kanyang nararamdaman at di naiintindihan kung ano ang magiging kahihinatnan nito sa munting angel na kanyang pinakamamahal. 

Sa mga unang paguusap ay tumutupad ang kanyang kabiyak sa pagtustos sa pangangailangan ng kanilang anak, ngunit unti unti itong dumadalang sa pagpapadala ng suporta para sa kanilang anak. Sa kabila nito ipinaglaban pa rin nya ang karapatan ng kanyang anak na matustusan ng kanyang ama ang kanyang mga pangangailangan, hangang sumuko na rin sya at nag desisyon na sya nalang ang magpatuloy sa pagaaruga at pagsuporta sa kanyang anak, dahil nanliliit sya sa kanyang sarili sa tuwiing nnanlilimos sya ng suporta para sa kanyang anak.

Minsan naisip nya, ano ba ang naging mali sa desisyon nya. ang pagaasawa ba nya ng napakabata pa, o ang labis nyang pagtitiwala at pagmamahal. 

Ngunit sa bandang huli naniwala pa rin sya na di ito ibibigay sa kanya kung di nya ito makakaya.

Sa ngayon pinipilit nyang ibigay ang magandang buhay para sa kanyang munting angel. Nawa'y patuloy syang gabayan ng poong may kapal sa kanyang buhay.

Ang Unang Pag-Ibig

Noong una palang na nakilala nya ang isang maginoo at matipunong lalaking iyon

Ay nagdulot na agad ng kakaibang pintig sa kanyang puso. 

Sa simula ay naging malapit na magkaibigan at unti unting lumalim ang pagkakaibigan

hangang maging isang malalim na relasyon,

na unti unting nagpabago sa kanilang buhay. 

Sa simula ay napakasaya at laging nagkakaintindihan

Ngunit sadyang dumarating ang di pagkakaunawaan 

Upang subukin ang lalim at tatag ng pagmamahalan. 

Ngunit di nya na gawang ipaglaban ang kanyang pagmamahal 

Kung kaya sila ay nagkawalay.

Ngunit lumipas man ang maraming taon, 

Marami man ang dumating sa kanyang buhay. 

Ngunit ang kanyang unang pag-ibig ni minsan ay di  na waglit sa kanyang isipan, 

May sakit man ito na idinulot, 

Ngunit  maraming aral din ang natutunan. 

Di man sila ang naging magkapalad sa huli,

Naging napakasaya pa rin ng buhay nya sa kanyang pinakamamahal ngayon..  

Kaibigan Nya

Saan ba nasusukat ang isang pagkakaibigan?

ito ba ay kailangan kilala mo sya mula pa sa iyong pagka bata,

o pwede rin na kanina mo lang sya nakilala..

Para sa isang kagaya nya, ang tunay na pagkakaibigan ay di

nasusukat sa tagal ng pinagsamahan, kung di paano nya nagawang

pumasok sa kaibuturan ng iyong puso.

Isang kaibigan na handang makinig sa lahat ng magaganda at di

gaanong kaganda na nangyari sa iyong buhay.

At handang sabihin sa iyo ang nilalaman ng kanyang puso,maging

ito man ay makakasakit o makakapagpasaya sa iyo, dahil isa lang

ang ninanais nya ang maging tapat at totoo sa kanyang pananaw

sa mga bagay na nasabi mo sa kanya.

 Dahil para sa kanya ang isang tunay na nagmamalasakit ay yung 

taong handa kang saktan para matuto kang lumaban sa agos ng

iyong buhay.

At hindi yung mga taong ang kaya lang sabihin ay kung ano ang

magpapangiti sayo at natatakot na masaktan ka.

Kaya saan man sya padparin ng kanyang paglalakbay palagi

paring may nakikilala na handang sya ay gabayan, dahil sa

kabutihan ng kanyang puso na naipamamalas nya.

At dahil sa paniniwala nya, na ang may kapal ay laging nasa

tabi nya upang sya ay gabayan mula sa mga taong napili nya

na mapalapit sa kanya.

Ang pagdaloy ng luha sa gitna ng Gabi...

Isang gabi ng katahimikan,

unti unting dumadaloy ang mga

agos ng pangungulila, di sinasadja

di pinipilit kusang umaagos sa isang pagpikit...

Bumabalik ang masasayang sandali na kasama,

ang bawat isa, ang mga halakhak, kulitan,

ang pagpapadama ng pagmamahal para sa isat isa...

Bigla nananabik sa apat na sulok ng dating kinahihigaan,

ang paboritong kumot na pumapawi sa lamig na nadarama,

ang malaking si Mholly, si pooh na katabi sa pagsapit ng gabi...

Ang mga haplos ng mapagkalingan kamay ng aming butihing ina,

sa oras ng karamdaman ay dumadapi sa aming katawan,

Ang malakas na boses ni Daddy at pakikipagkulitan sa kanya...

Ang aming pagsasamang magkakapatid sa isang simpleng

kainan, kwentuhan at kantahan...

Ang paggalang sa aking lola and lolo, ang yakap ng pagmamahal

at halik ng pagkalinga. Ang pagbibigay ng isang simpleng bagay

na nagmumula sa mga puso, na nagbibigay ng sobrang kaligayahan

mula kay lolo and lola...

Ang gimick with tita and tito's... Ang simpleng salo salo sa kubo

ng ibat ibang putahe na niluto ng aming mga magulang, na kung

ikaw ay parang pagong tiyak na walang aabutan... 

mga simpleng bagay, ngunit napakahalaga sa bawat isa...